“Hindi kabawasan sa pagkatao ang pagiging grateful,” ito ang reaksyon ng veteran showbiz reporter at retired entertainment editor na si Dindo Balares matapos mag-sorry ang aktres na si Liza “Hope” Soberano sa dating manager nito na si Ogie Diaz.
Sa isang post, binalikan ng showbiz veteran ang paghingi ng tawad at pagpapasalamat ni Liza sa ABS-CBN at kay Ogie sa panayam sa kanya ng beteranong host na si Boy Abunda.
“I’m sorry again also to them if there were people that I’ve worked closely with that were offended by some of the things that I said in my vlog. That wasn’t the intention,” aniya patungkol sa ABS-CBN. “I’m thankful for them for taking a risk on me when I was a nobody, for investing in me, developing me, creating Liza Soberano. And thank you also for being so understanding when I decided to no longer renew with them.”
Para naman kay Ogie, “I would say sorry if I hurt his feelings and I would say thank you for everything that I have, everything that I know, and everything that I’ve achieved through his help.”
Ipinaalala ng dating editor sa kanyang post, na hindi mababawasan ang pagkatao ng isang celebrity kung magiging grateful ito sa mga tao at sa institusyon na nakatulong sa kanya.
“Hindi kailanman kabawasan sa pagkatao ang pagiging grateful at pagsasaalang-alang (concern/malasakit) sa mga tao o institusyon na nakatulong para may makain ang pamilya,” wika niya, kasabay ng pagbabahagi ng lyrics ng kantang Handog ni Florante.
“Bilang aral sa ibang young stars o baguhang papasok pa lang sa entertainment industry, nasa ibaba ang titik ng Handog ni Florante. Kinakanta ito ng mga artista at production people tuwing nagtatapos ang Gabi ng Parangal ng Film Academy of the Philippines (FAP). Pinapalitan sa FAP awarding ceremony ng ‘pelikula’ ang ‘awitin’ sa third stanza. Sinasalamin ng kantang ito ang malalim at makulay na kultura ng mga Pilipino noong uso pa ang pagpapasalamat at respeto sa mga pinagkakautangan ng loob,” saad niya.
For the local entertainment stories that make the world stop and make the world go, visit Traffic Digest‘s Pinoy Showbiz Section.