Noong araw na hindi pa high tech ang komunikasyon, idinaraan ng maraming Pilipino ang komunikasyon sa pamamagitan ng mga liham, postcards o greeting cards; de abot man o via post office.
Mga seniors na marahil ang mga nakaaalala sa mga panahong lumipas kung saan ang paghahatid ng pagbati para sa kapaskuhan ay idinadaan sa mga Christmas cards na may disenyong Filipiniana.
Kaya naman nostalgia ang hatid ni Myky Karl Andayog sa mga tulad ko na buhay na noong dekada 60s.
Ani Myky Karl sa Facebook page ng Nostalgia Philippines, “1960s Native Philippine Christmas Cards.🎄
“Greeting cards have been around for over 200 years. You can find them at auctions, flea markets, antique and thrift stores, and maybe even your own bodega or storage rooms. —Wishing you a Merrier Christmas everyone. 🌟🌟🌟
Nilakipan niya ng dalawang larawan ng Christmas cards ang kanyang post at Pinoy na Pinoy ang disenyo ng mga ito. Kapansin-pansin din ang mga parol na bituin na simbolo ng Pasko; ang araw ng kapanganakan ng Mesiyas.
Si Paul Eric Darvin man ay nagbahagi rin ng ilang larawan ng vintage Philippine Christmas cards sa FB page na Memories of Old Manila & Beyond.
Tampok sa mga larawan ang ilang painting ng mga scenic spots sa ating bansa at mga katutubong sayaw gaya ng tinikling at cariñosa. Tampok din sa ilang mga Christmas cards ang pagtatanim ng palay, pagbabayo, pangingisda, mga kasuotang lokal, mga bukirin at iba pa.
Karaniwang nabibili sa mga bookstore gaya ng Alemar’s noon ang mga ganyang cards na gawang Filipino.
Napabalik-tanaw ang mga nakaabot sa panahong iyon ng local designs.
“I remember sending some of those cards to special people. Very nostalgic.”
“Missed this kind of christmas cards.”
“Love this Filipino genuine Christmas Cards… mas feel ko ang Christmas pag nakikita ko to.”
“Magmula nang pumatok ang text sa social media nanamlay na ang Christmas cards.”
Kaya’t kung may naitabi o nahalukay kang ganyan, naku, vintage na iyan! Cultural heritage na ang hatid niyan eh.
For the memories that make the world stop and make the world go, visit Traffic Digest‘s Nostalgia Section.