Isa ka ba sa mga gumamit ng popular footwear noon na kung tawagin ay Kung Fu Shoes?
Kabilang ang Kung Fu shoes—na tinatawag ding Chinese Shoes—sa mga klase ng footwear na gustong-gustong ginagamit noon ng mga Pinoy. Mga bata man o ng matatanda, tuwang-tuwa sa pagiging magaan at komportable nitong isuot, na dahilan kaya saktong-sakto ito para sa nakararami kahit pa iba-iba ang mga gawi at gawain nila sa araw-araw.
Sa post ng Facebook page na Batang Pinoy – Ngayon at Noon, nagbalik-tanaw ang maraming social media users sa mga panahong Kung Fu Shoes pa ang kanilang regular na isinusuot. Wika ng admin ng page, “Kung Fu Shoes. Kaway sa mga kadekadang gumamit nito!”
“Iyan ang Chinese Shoes ko noong first year high school ako. Very comfortable ako kapag iyan ang suot ko. Panlaban sa mahabang lakaran,” kuwento ng Facebook user na si SDM.
“Yes, ‘yan po ang high school shoes namin, partner ng uniform na ang palda e halos makahiwa na sa sobrang plantsa, na ‘pag umupo ka e kailangan mo pa ayusin kase baka magusot! Ang ganda tingnan ‘pag suot,” wika ni FM.
“Hahaha! ‘Yan ang shoes namin ng younger sister ko noong elementary kami. Ang sarap sa paa, malambot at magaan,” pag-aalaala ni LA.
Pagbabahagi naman ni GME, “Love ko iyang shoes na ‘yan. Iyan ang sapatos naming mga student ng Bauan High School every Thursday and Friday.”
Ikaw, nakapagsuot ka rin ba nito? Ano ang hindi mo makalilimutan tungkol sa sapatos na ito?
For the memories that make the world stop and make the world go, visit Traffic Digest‘s Nostalgia Section.