Sabi nila, kapag nagbigay ka nang bukal sa iyong kalooban, ibabalik at ibabalik ito sa iyo ng kalawakan. Kaya naman ibinigay kita sa kalawakan sa pag-asang matatagpuan na lamang kita muli sa aking pintuan.
Ngunit sa halip na ibalik, lalo ka lamang nitong ipinagkait. At ngayon, sa lawak ng daigdig, hindi ko na batid kung paano kita hahanapin at hihilahin pabalik sa akin.
Sana ipinagdamot na lamang kita sa kalawakan at hinagkan sa abot ng aking makakaya.
Sana hindi na lamang ako natakot mahalin ka at hindi maging karapat-dapat.
Sana hindi ko na lamang ginamit ang kalawakan para pagtakpan ang aking karuwagan.
Sana hindi kita ipinaraya nang hindi man lang ipinaglalaban.
Kung naging matapang lamang ako, marahil ay pinaboran tayo ng kalawakang ito.
© Minsan Okay Lang Ma-traffic | 2021
For literary pieces that make the world stop and make the world go, visit Traffic Digest‘s Literary Section.